2017 عام السماح لـ"الهضبة".. مُلحنان وشاعر يقدمون اعتذارات لـ"معدي الناس"


٢٥ يوليه ٢٠١٧ - ٠٤:٠٦ م بتوقيت جرينيتش

رؤية – إبراهيم جابر:

القاهرة – استقبل الفنان المصري عمرو دياب 3 اعتذارات رسمية من قبل زملاء له، بعد قطيعة تامة دامت بعضها 5 سنوات، بسبب خلافات في العمل تعلقت بشركات الإنتاج الذي تعاون معها الهضبة خلال الأعوام الماضية.

وجاءت الاعتذارات بعد تردد أنباء عن عقد جلسة صلح بين "دياب" وشركة روتانا للصوتيات والمرئيات بعد خلافات وصلت إلى ساحات المحاكم حتى صدر حكم برفض التعويض الذي طلبته الشركة من "الهضبة"، خصوصا بعد انتشار صورة تجمع المغني الأشهر في مصر والوطن العربي ببعض مسؤولي الشركة.

"بهجت قمر"

وكانت بداية الاعتذارات من الشاعر المصري أيمن بهجت قمر، بعد شهدت السنوات الخمس الماضية قطيعة تامة بين الشاعر المصري أيمن بهجت قمر والفنان عمرو دياب، حتى أعلن "قمر" في بيانه بصفحته الرسمية على موقع التواصل الاجتماعي "فيسبوك" عن تقديم اعتذار لـ"الهضبة" وجمهوره، ومباركا له على ألبومه الجديد "معدي الناس" الذي أعلن عنه قبل أيام قليلة ماضية.

وقال قمر: "أنا بقالي فتره بفتح صفحة جديدة مع كل الناس عشان كده مش هتكبر النهاردة إني اعتذر وأبارك لأخويا الكبير وعشرة العمر الفنان عمرو دياب على الألبوم الجديد"، متابعا: "خمس سنين زعل كتير أوي بصراحة وأنا غلطت لأني أقحمت عمرو في مشكلتي مع (روتانا)، وغلطت أكتر لأني أظهرت الخلاف ده في العلن، ولكن الواحد طول الوقت بيتعلم ومحدش كبير على الاعتذار".

وأضاف: "ويا عمرو زي أنا ما غلطت في العلن أنا بعتذر لك في العلن إنت فوق إنك فنان كبير إنت أخ حقيقي على المستوى الشخصي أنا افتقدته وعفا الله عما سلف"، مكملا: "وعايز اقدم برضه إعتذار لجمهور عمرو اللي زعل على زعله وحقكوا على راسي من فوق وصافي يا لبن".

"عمرو مصطفى"

وقدم الملحن المصري عمرو مصطفى أيضا اعتذاره لـ"الهضبة" في بيان عبر صفحته بـ"فيسبوك" قائلا: "عمرو دياب، الصيف مايبقاش صيف من غيره، هو مش بس أستاذي، هو صديق وأخ، من أول ما مسكت الجيتار، من أول ماكنت أنا وأصحابي مابنفوتلوش ولا حفلة».

وأكمل: "سوء التفاهم بيحصل بين كل الناس لكن أنا عمري ما قلت أو لمحت حتى بأي إهانة ليه، بالعكس كنت مدافعا عنه دايما حتى في وقت بعدنا عن بعض، وأنا لازم اعترف بعد اللي وصلت ليه بفضل الله أنه كان سبب كبير في شهرتي، إيمانه بيا وبموهبتي كان دايما حافز ليا اني أبدع.. عمري ما سمعت أنه قال كلمة وحشة عني لأنه إنسان راقي قبل ما يكون فنان راقي".
وتابع مصطفى: "خلافتنا كانت بسبب شركة إنتاج مش أي حاجة تانية.. كنت ولازلت بتعلم منه وبستنى جديده زيي زي الملايين من جمهوره اللي ذكرياتنا كلها على أغانيه.. مستنيين ألبوم الهضبة عمرو دياب".

"محمد يحيى"

وتواصلت الاعتذارات لـ"الهضبة"، حيث وجه الملحن محمد يحيى عبر صفحته الرسمية على موقع التواصل الاجتماعي "فيسبوك"، قائلا: "عمري ما هنكر وقفتك جمبي في بداياتي الفنية، عمري ما هنسي أول مرة قابلتك في الأستديو الساعة ٦ الصبح وسمعتك وعجبك شغلي وأخدت رقمي ودي كانت بالنسبالي فرحة العمر.. وعمري ما هنسى حزني يوم ما نزلتش معاك في ألبوم (علم قلبي) وقمة فرحتي لما نزلت معاك في ليلي نهاري بـ٣ أغاني".

وأكمل: "بعيدا عن الشغل أنا بحب عمرو دياب وخمس سنين مشفوش دي بالنسبالي كان حاجه متعبة ووجعاني جدا والله، ومش بقول الكلام ده كده وخلاص ربنا العالم أنا مش هتكبر علي إني اعتذرلك علي أي حاجة صدرت مني تزعلك لأنك أخويا الكبير وقمة فرحتي إن ميبقاش عمرو دياب زعلان مني".

واختتم يحيى اعتذاره قائلا: "عايز أباركلوا على معدي الناس واقولوا بطيبه قلبك اللي كل حد عاشر عمرو دياب عارف قد أيه عمرو من جواه طيب، وحقك عليا يا هضبة".


اضف تعليق