الرئيس عبدالفتاح السيسي

السيسي: هناك من يتصدى لتطوير التعليم دون علم


١٦ مايو ٢٠١٨ - ١٢:١٩ م بتوقيت جرينيتش

رؤية

القاهرة - ناقش الرئيس عبد الفتاح السيسي، الموضوع المتعلق بتطوير التعليم في مصر، وقال منتقدا مطالب البعض بتطوير التعليم بالتزامن مع مطالبهم بتأجيله وعدم تطبيقه على أبنائهم "يا مصريين عاوزين تعملوا تعليم جيد ولا لأ.. قالوا أيوه.. لكن ساعة ما تيجي تعمل تعليم كويس يقولك أيوه بدل التعليم السيئ اللي في مصر بس لو سمحت مش أولادي.. خليه على الأولاد اللي بعدي".

وأضاف السيسي، خلال فعاليات المؤتمر الوطني الخامس للشباب، أن الدكتور طارق شوقي، وزير التربية والتعليم، كان الأمين العام للمجالس التخصصية التابعة لرئاسة الجمهورية قل توليه مسئولية الوزارة، وتابع مازحا: "كان مغلبني في الإصلاح.. وعرضت عليه الموضوع مرتين أنه يمسك وزارة التربية والتعليم قال لأ.. لغاية ما أحرجتوا قدامكم من سنة ونص في مؤتمر للشباب.. وقلت حتى الناس اللي موجودة معايا مش عاوزين يمسكوا القطاع"، مستكملا: "ثم بعد كده اخترناه وزير للتعليم.. لكن في ناس بتتصدى للموضوع ولا تعلم عنه شئ.. وألاقي أحبابنا في الإعلام جايبين أهالي طلبة في التليفزيون بيتكلموا عن الموضوع.. ده التعليم ده موضوع كبير جدا!"، وفقا لموقع "اليوم السابع"، اليوم الأربعاء.

وتابع: "مفيش إجراء من اللي بنتكلم فيه غير لما بيتناقش في مجلس الوزراء ودولة الرئيس بالوزراء أقروه وبعدين يجي بيتعرض علينا، بتتكلموا عن التأهيل لسوق العمل.. طيب لما النهاردة بطلع 100 ألف خريج تجارة و100 ألف خريج حقوق.. طيب هو سوق العمل عاوز دول؟ ولا أنت عاوز قدام ابنك أو بنتك تقول أن أنا علمتك وعاوز تقول للدولة إبني اتعلم شغله؟ إحنا مش هنحل المسألة كده أن النهاردة الأسر تقول أنا علمت ابني شغلهولي كده.. طيب أشغلهولك فى إيه إذا كان كل سنة مئات الألوف بيخرجوا لا حاجة لسوق العمل لهم.. وبقى فيه ثقافة عن الأسر والناس فى مصر أنه خريج جامعة بس لكن أي حاجة تانية مش مقبول مثل مدرسة فنية وبيكسب وعلى خلق كده.. يقولك بنتنا مش بتجوز غير خريج جامعة".

وأوضح أن التأهيل لسوق العمل يرتبط بالتعليم وإصلاحه، لأن التعليم الحالى بمصر لا يمنح الخريج فرصة عمل جيدة فى سوق العمل.


 


اضف تعليق