بعد وفاتها بيومين.. رانيا فريد شوقي تعتذر لشقيقتها ناهد.. ما القصة؟

أحمد العشري

فاجأت الفنانة المصرية رانيا فريد شوقي، جمهورها بتقديم اعتذار لشقيقتها الراحلة المنتجة المصرية ناهد فريد شوقي، وذلك بعد أن فارقت الحياة يوم الثلاثاء الماضي 5 ديسمبر 2023.

وعبرت رانيا عن حزنها الكبير وافتقادها لشقيقتها الراحلة، ناشرة صورة لها برفقتها، عبر موقع تداول الصور والفيديوهات إنستجرام، وكتبت عليها: “للأسف نعتاد الأحباب في حياتنا، كأنهم خالدين في الدنيا، زي ما نعتاد النعم كأنها مستمرة إلى الأبد، وده من عيوب البشر، أختي الحبيبة الغالية ناهد أنا بعتذر لك لأني اعتدتك في حياتي، يمكن خيالي كان أضعف من إني أتصور فراقك”.

رانيا فريد شوقي وناهد فريد شوقي

رانيا فريد شوقي وناهد فريد شوقي

رانيا فريد شوقي تعتذر من شقيقتها ناهد

وأضافت رانيا فريد شوقي: “يمكن خدتنا مشحانات الدنيا وربنا نور بصيرتنا، ورجعنا لحضن بعض والحب اللي اتربينا عليه، وحبنا لبابا كان دايمًا بيجمعنا، يمكن لأني نسيت إننا بنكبر كلنا، يمكن لأني جيت الدنيا لقيتك أختي الكبيرة القوية العنيدة، اللي ماتعرفش حاجة اسمها استسلام وإرادتها من حديد، قوتك كانت بطمني عليكي أنا مش عارفة أنا بكتب إيه بس اللي حساه أكبر بكتير من أي كلام، مازلت مش مستوعبة ولما حد بيقول الله يرحمها بتخض”.

727

وتابعت: “في الفترة الأخيرة كنت بشوف فيكي بابا، بكل حركاته وطريقة كلامه ونظراته وهزارك، وقُلت للأحفاد اللي ماشفوش جدهم، ناهد بقت نسخة من جدكم لما تشفوها كأنكم شفتوه سبحان الله، والغريب أني من الشخصيات اللي بتخاف تدخل على حد متوفي، لأنه بيبقي آخر انطباع بيفضل في الذاكرة، عن الشخص لكن لما دخلت وشوفت وشك مبتسمه كأنك نايمة، وبتحلمي حلم جميل”.

رانيا فريد شوقي ولحظة دخولها على جثمان شقيقتها

واستطردت: “حسيت إنك شوفتي فريد ابنك بيستقبلك، وخدك لحبايبك، بابا وطنط هدى ومها أختنا، ده تفسيري لابتسامتك الهادية الجميلة الواضحة أوي، اللي هونت علينا كلنا فراقك، واللي مش هتفارقني اللي باقي من عمري”.

واختتمت حديثها عن لحظة فراقها لجثمان شقيقتها: “كنتي راضية بكل أقدار الله، ومسلمة أمرك لله إلى أن نلتقي يا أختي سلمي لي على بابا، وقوليله الحياة من غيرك مش حياة، ونفسي يجيلي في الحلم بقاله فترة غايب عني.. هتوحشيني أوي يا حته من أبويا ومن قلبي”.

ربما يعجبك أيضا