استضاف برنامج “نجوم السماء”، اليوم الجمعة 22 إبريل 2022، وزير الشباب والرياضة المصري أشرف صبحي، والذي قفز من ارتفاع 14 ألف قدم فوق سطح الأرض بالمظلة، بالعاصمة الإدارية.
وقال صبحي: “مبسوط جدًا وفرحان بالمغامرة، لأني مكنتش أتخيل إني أفكر أعملها، لكن ياسمين بنتي بتزن عليّ بقالها فترة، ودا جزء اجتماعي وأنا حابه، ومغامرة كويسة وإحساس لغاية دلوقتي بسترجعه”.
وتابع وزير الشباب والرياضة: “شوفت العاصمة الإدارية من فوق، والحي الحكومي والمدينة الرياضية والأيقونة وأعلى ارتفاع في إفريقيا والأبراج، ومدينة مصر الأولمبية، حاجة نفتخر بها، والسكاي دايفينج بتوري العالم إحنا مصر”.
وقالت ياسمين ابنة الدكتور أشرف صبحي: “مبسوطة ومش مصدقة وبفكر احنا فعلًا عملنا كده”.
وقال مصطفى نجل الوزير: “دي حاجة كان نفسي أعملها بقالي فترة كبيرة، والموضوع عدى في ثانية ومن أحسن اللحظات اللي مرت علينا”.
في كل حلقة يكتشف البرنامج مكانًا جديدًا في مصر “من السما”، ويشمل جولات في كل أنحاء مصر، وهذه هي المرة الأولى في العالم أن يقدم برنامج سكاي دايفينج من مكان مختلف يوميًا، فجرى التصوير في الأهرامات وسقارة والفيوم، ومدينة الجلالة والعلمين الجديدة، والنوبة، والأقصر وشرم الشيخ وطابا ونويبع ووسط البلد، وبورسعيد والإسماعيلية والسويس والغردقة والمنصورة ودمياط.
رابط مختصر : https://roayahnews.com/?p=1130318