فيديو| ريم البارودي تكشف عن سر خلافها مع ريهام سعيد

كشفت الفنانة ريم البارودي عن تفاصيل خلافها مع الإعلامية ريهام سعيد، وذلك خلال حلولها ضيفةً في برنامج العرافة 2024 مع الإعلامية بسمة وهبة.

وقالت ريم البارودي، خلال حلقة التي أذيعت، الجمعة 29 مارس 2024، أن المذيعة ريهام سعيد غدرت بها أثناء تصوير حلقة برنامجها صبايا، التي ظهرت فيها بعد 3 سنوات من الخلاف بينهما.

أزمة ريم البارودي مع ريهام سعيد

تحدثت ريم البارودي عن خلافها مع الإعلامية ريهام سعيد، وقالت: “ما زال فيه قضايا بيننا ومفيش عداوة تيجي بعدها محبة، واللي يقول كده يبقى كداب واحنا بنمشي ورا أمثال غلط، دي أمثال قديمة دي مينفعش يبقى فيه كره وفي عداوة وأنا بأذيكي وأنا بكرهك وبعد كده تيجي المحبة عمرها ما تيجي محبة، لكن في محبة ييجي بعدها كره وتيجي عداوة”.

وتابعت البارودي: “وجات لي عزا بابا عشان الكاميرات وعشان ريم البارودي تريند يعني وكانت لقطة منها طبعًا ولما تلاقي حد جايلك وداخلك عزا وأنتي في وقت أنتي مش قادرة تفكري، ومبتفكريش اللي قدامك أذاك قد إيه أو حصل منه ايه، خلاص أنتي بتشوفي حد داخل عليكي فبتنسي ودي غلطتي، وكان المفروض ساعتها مسلمش عليها وبعتت لي رسالة قبل ما تيجي تعزي وقالت لي أنا عايزة أجي أعزي بس خايفة تقولي أن أنا بأخد اللقطة والرسالة موجودة”.

واختتمت الفنانة ريم البارودي: “أنا اتغدر بيا، وأنا مش جديدة على الكاميرات، وفي كاميرا صورتني وأنا بنادي على المساعدين بتوعي وبقول يا فلان ويا فلان هاتوا الأيكوس، ولما وقفت الحلقة شربت الأيكوس، وهدأت شوية بس عرفت نيتها لأن اللي في القلوب باين على الوشوش، وهي ضدي، والحب والكره والحقد باين، وكملنا الحلقة”.