أثارت الفنانة المصرية مروة عبدالمنعم الجدل بعدما وجهت رسالة عتاب إلى الفنان تامر حسني، عبرت فيها عن حزنها لعدم استمرارهما في العمل الفني معًا.
وقالت مروة في تصريحات عبر قناة “القاهرة والناس”: “معنديش خلافات مع حد، هو يعرف يوصلني أنا لا، وبقوله زعلانة منك، أنت مش مجبر إني أبقى معاك على طول، لكن أنت وعدتني وقولت لي مش هسيبك وعملنا دويتو حلو ونجح، أنا اللي بسألك ليه مفكرتش تستثمر هذا الدويتو، وأنا عمري ما هرفض إني أمثل معاك، أنا بحبك وزعلانة منك”.
تعرضت مروة عبدالمنعم، للهجوم الشديد من قبل متصلة، خلال حلقة برنامجها “تفاحة مصرية”، حيث قالت: “أنا عندي مشكلة مع الناس اللي بتشتغل مهنة تانية غير مهنتها، حضرتك مثلا شغالة مذيعة وأنتي ممثلة.. معرفش تيجي إزاي.. وأنا عندي 27 وخريجة إعلام وقاعدة مبشتغلش عشان حضرتك واخدة مكاني”.
وردت مروة عبد المنعم، على المتصلة، قائلة: “أنا قعدت هنا بتعبي، واشتغلت على نفسي 25 سنة، مشكلتك حاليًا انك اتخرجتي من إعلام ومش لاقية شغل فبتهاجمي أي حد، المفروض بدل الهجوم تدوري على حلول، مش تهاجمي نجاح الآخر، أنا اشتغلت على نفسي، وبقيت مذيعة بتعبي، من غير ما أحقد على حد، لو كنتي إعلامية شاطرة كنتي تابعتي الحلقات قبل الحكم عليا، وأنا متأكدة دايمًا أن الشاطر هو اللي هينجح ويوصل”.
رابط مختصر : https://roayahnews.com/?p=1964556