اعتذرت الفنانة المصرية لقاء الخميسي، اليوم الخميس 14 ديسمبر 2023، عن تصريحاتها بشأن ارتفاع أسعار زيت الزيتون.
وفي مقطع فيديو نشرته عبر حسابها الشخصي على موقع “إنستجرام”، قالت لقاء الخميسي: “بخصوص تصريحات زيت الزيتون وإنه وصل لـ1200 جنيه، أنا تواصلت مع الشركة وفيه فاتورتين وصلوني، فاتورة جت خطأ وهي 1205 كنت فكراها لعبوة زيت واحدة، ولكن اكتشفت إن فيه خطأ، 1300 على عبوتين زيت، الأسعار لسة مغلتش وبعتذر عن الخطأ ده”.
وأضافت لقاء الخميسي: “أنا كنت بتكلم عن الموضوع ده من وجهة نظري، وأنا مش عارفة الأرقام بالظبط، بس أنا سمعت إن الأسعار غليت، وأنا بعتذر لو كلامي أساء لأي حد”.
الفنانة لقاء الخميسي
وكانت الخميسي قد قالت في فيديو أمس عبر “إنستجرام”: “عندي سؤال وأول مرة أتكلم في الموضوع ده.. إحنا رايحين لحد فين بجد، لما إزازة زيت الزيتون يكون سعرها 1206”.
وأثارت تصريحات لقاء الخميسي غضب العديد من رواد مواقع التواصل الاجتماعي، حيث اتهموها بالتقليل من معاناة الناس، ووصفوها بأنها “غير واعية”، وقال أحد المتابعين: “لقاء الخميسي دي عاشت حياتها كلها في عز، ولا تعرف معاناة الناس، اللي عايشين على وجبتين في اليوم، وبيقروا الفاتحة على وجبتهم التالتة”.
وأضاف آخر: “لقاء الخميسي دي فنانة ناجحة، وعندها فلوسها، فلو عايزة تاكل زيت زيتون، تروح تجيب علبة بـ1200 جنيه، ولا تتكلم في الموضوع، وتشغل الناس بيه”.
رابط مختصر : https://roayahnews.com/?p=1702535