أثارت الفنانة المصرية زينة جدلاً واسعًا على مواقع التواصل، بتصريحاتها الأخيرة حول إمكانية زواجها مرة أخرى، مشيرة إلى أنها ليست ضد الزواج بشكل عام، لكنها لا ترغب في تكرار التجربة.
وأوضحت زينة، في تصريحات صحفية اليوم الجمعة 3 مايو 2024، أنها ليست ضد الزواج من حيث المبدأ، لكنّها لا ترغب في تكرار التجربة، وقالت: “مش عايزة أعيش قصة حب، و مش عايزة أبقى جاهلة، لأن من الجهل أنّي أنفي حاجة أو أقول مستحيل تحصل، لأن ممكن تحصل والحياة مفيهاش مستحيلات، بس أنا مش من الناس اللي ممكن تتجوز كذا مرة، ومش ضد الناس اللي بتعمل كدا، دي سُنة وحلال”.
تصريحات الفنانة زينة
أضافت زينة: “بس هل أنا هعيش قصة حب ونبعت رسايل لبعض و أغاني وكدا، لا وأنا معنديش حاجة أديها لحد أكتر من كدا، محدش هيرضى بكدا، و مش همشي الكون على مزاجي، بس أقدر أعيش بمزاجي أنا، أن أمشي على نفسي، و دايما بحس أنّ الست اللي بتتجوز بتكون محتاجة حد يساعدها و يشيل معاها، فخلاص بقى شيلنا كتير واتحملنا كتير أوي، هشتغل وأعيش في مستوى كويس أنا وأولادي”.
واختتمت زينة حديثها: “الانبساط هتعيشه بطريقتك، أنا مش محتاجة، وماما بتقولي يابنتي دي أحلى سنين عمرك، قولتلها أحلى سنين عمري عدت خلاص”.
وشاركت زينة في موسم رمضان المنقضي بمسلسل “العتاولة”، بطولة أحمد السقا، طارق لطفي، باسم سمرة، مي كساب، فريدة سيف النصر، مصطفى أبو سريع، مريم الجندي، وغيرهم، والعمل من إخراج أحمد خالد موسى.
رابط مختصر : https://roayahnews.com/?p=1837458