قبل افتتاحه.. تفاصيل معرض القاهرة الدولي للكتاب و9 نصائح لاختيار الكتب


٢١ يناير ٢٠٢٠

كتبت – سهام عيد

تحت شعار "مصر إفريقيا.. ثقافة التنوع"، وبمشاركة 40 دولة تحل عليها السنغال كضيف شرف، تفتتح وزيرة الثقافة المصرية د.إيناس عبدالدايم، غدًا الدورة 51 من معرض القاهرة الدولي للكتاب، والمقرر انطلاقها ظهر الأربعاء 22 يناير بمركز مصر للمعارض والمؤتمرات الدولية بالتجمع الخامس وتستمر حتى 4 فبراير المقبل.

في غضون ذلك، تابعت الوزيرة سير عملية التجهيزات بالقاعات وأجنحة العرض المختلفة والأماكن المخصصة للفعاليات الثقافية والفنية وورش العمل وغيرها، وأشادت بتنظيم القاعات والتصنيف النوعي للأجنحة ودور النشر، مشددة على ضرورة التواصل الدائم مع الزائرين والعارضين بما ينعكس إيجابًا على أحد أهم المحافل الثقافية الدولية.



يشار إلى أنه تم اختيار الدكتور جمال حمدان شخصية هذا العام، ويضم المعرض 808 أدنحة عرض، و900 دار نشر بالإضافة إلى 41 مكتبة من سور الأزبكية، كما يحتضن 3502 فعالية ثقافية وفنية متنوعة ولأول مرة يتم إطلاق تطبيق إلكتروني يساهم في التيسير على الزائرين معرفة أماكن دور النشر، وما تعرضه من الإصدارات بجميع بياناتها والفعاليات المصاحبة ومواعيدها.


من جانب آخر، عرضت الصفحة الرسمية لمعرض القاهرة للكتاب، على "فيس بوك"، فيديو توضيحيا للعديد من الأمور الواجب معرفتها قبل التوجه لزيارة المعرض، في دورته الـ51، والمقرر أن يتم افتتاحه غدًا، على أن يفتح أمام الجمهور العام يوم الخميس 23 يناير.



9 نصائح لاختيار وشراء الكتب

في غضون ذلك، قدمت الصفحة الرسمية لمعرض القاهرة الدولي للكتاب، 9 نصائح للجمهور بشأن اختيار وشراء الكتب، وجاءت على النحو التالي:

- جهز قائمة بالكتب اللي هتشتريها قبل الذهاب للمعرض، حدد أهم الكُتّاب اللي بتقرألهم وشوف أحدث أعمالهم، وتابع صفحات دور النشر عشان تعرف أهم الإصدارات المشاركة بالمعرض.

- اعرف اسم دار نشر الكِتاب علشان تقدر توصل للكتاب اللي أنت عايزه (محدش هيقدر يساعدك من غير اسم دار النشر).

- في طرق كتير للتعرف على اسم دار النشر، أولها تكتب اسم الكتاب على جوجل ومنه هتعرف صادر عن دار إيه، أو إنك تعمل سيرش باسم الكتاب في التطبيق الخاص بالمعرض.

- حدد مكان دار النشر في قاعات المعرض، رقم القاعة وأي جناح وده من خلال صفحة الدار على فيس بوك أو التطبيق الخاص بالمعرض.

- لو عايز تعرف سعر أي كتاب ممكن تدخل علي المواقع الإلكترونية للمكتبات وتكتب اسم الكتاب هيظهرلك سعره لو متاح عندهم، أو سيرش باسم الكتاب على تطبيق معرض الكتاب.

- بعد ما تحدد سعر الكتب اللي عاوزها، اعمل ميزانية تقديرية لقائمة مشترياتك قبل ما تنزل المعرض.

- قبل ما تبدأ تشتري الكتب خد جولة في قاعات المعرض عشان تتعرف على أغلب الإصدارات وأهم العروض وسجل ده في نوت خاصة بيك.

- رتب مشترياتك حسب أماكن دور نشر الكتب في القاعات، بحيث تدخل القاعة مرة واحدة وماتفضلش تدور كتير.

- حاول تنوع مشترياتك وتقرأ في أكتر من مجال تكون بتحبه.

- زر أجنحة الكتب المخفضة واللي أبرزها جناح الهيئة المصرية العامة للكتاب، وكمان سور الأزبكية اللي هتلاقيه في صالة (4)، وكمان المكتبات الكبرى اللي منتشرة بالمعرض، عشان تستفيد بعروضهم وتخفيضاتهم.

- حط أولوية للكتب اللي محتاجها فعلا عشان ماتخلصش ميزانيتك قبل ما تشتري المهم.

- لو عندك أطفال لازم تزور صالة 3 اللي هتكون مخصصة لكتب الأطفال وأنشطتهم.



كما تقدم الصفحة، كافة المعلومات والخرائط المتعلقة بالمعرض والناشرين ودور النشر لتسهل على الجمهور الوصول إليها.
















الكلمات الدلالية معرض القاهرة الدولي للكتاب

اضف تعليق