السيسي لـ”المصريين”: إحنا ماشيين في مسار إصلاح وبناء.. وأثق في وعيكم

رؤية – إبراهيم جابر

القاهرة – بعث الرئيس المصري عبد الفتاح السيسي، عددًا من الرسائل الهامة إلى المصريين تزامنا مع الدعوات التي تطلقها أبواق جماعة الإخوان الإرهابية للتظاهر في البلاد وإثارة الشغب، مشيدا بوعي المصريين في عدم الاستجابة لدعوات الهدم، وثقته في قدرتهم على الحفاظ على بلادهم.

“التنمية والإرهابيون”

الرئيس المصري عبد الفتاح السيسي، خلال افتتاح مجمع التكسير الهيدروجيني لإنتاج المنتجات البترولية وعددا من المشروعات القومية بقطاع البترول بمسطرد، أكد أن قنوات جماعة الإخوان الإرهابية خارج مصر تسعى بشتى الطرق إلى هدم الدولة، مشددا على أن المصريين دائمًا ما يثبتون أنهم أصحاب وعي.

الرئيس المصري، أضاف: “بقولها للإعلام والمواطنين، هو ده الحال نصلحه ولا نسيبه طب على حساب الناس ولا الدولة اللي هي شعب مصر، والثمن اللي بيتم دفعه بيتحمله الشعب المصري كله أنا دايما براهن على المصريين، وأنا بشكر المصريين، وإحنا يا إما نعمل يا إما نسكت ونشوف المنظر ده أو منسكتش ونعمل ونصلح”، مردفا: “الجماعات المتطرفة تختار الظروف الصعبة علشان يشككوا في المصريين ويسيؤون لهم”.

وتابع: “كام دولة راحت لكن ربنا قال مصر لا مش هتروح لأنه بيحميها ويعينها ويقويها ويطورها ويكبرها بصبر وتحمل وفهم ووعي المصريين للحكاية.. وكام دولة كدة في منطقتنا راحت اشمعنا مصر يعني، وبكرر الكلام وكلنا هنكرره في المسجد والكنيسة ومجلس الشعب والمحافطة من أجل الحفاظ على الدولة والناس”.

“وعي المصريين” 

الرئيس المصري لفت إلى ثقته في وعي المصريين، وأنه لا يوجد أحد يستطيع خداعهم، متابعا: “إحنا ماشيين في مسار إصلاح وبناء والناس متفهمة ده وكل الناس عارفة كدة وبفضل الله عدينا وحققنا إنجازات، والدنيا كلها بتقول إن مصر رغم ظروف كورونا، والسياحة المتوقفة والتجارة الدولية المتوقفة، ما زالت بخير لأن ربنا وشعبها حاميها وطالما في استقرار هنقدر نعمل كده”.

ووجه الرئيس المصري حديثه للمصريين، قائلا: “الرهان عليكم لأنكم فاهمين وصابرين واللي بيتعمل في مصر والشعب والدولة حاجة واحدة، وزي ما قولت رهاني على الناس وخلال السنين اللي فاتت كان الرهان كسبان لسبيين لأننا بنصلح في الارض ولو بفسد كنت أخاف”.

وأشار الرئيس المصري، خلال الافتتاح إلى أن التطور توقف في البلاد بسبب أحداث 2011، مستكملا: “مجمع زي ده التطور توقف فيه بسبب حركة عدم الاستقرار علشان الناس تفهم ليه هما عاوزين أن الناس يحركوا الناس بكلام زي واخدين حقوقكم ومضيعينكم وبقولهلكم”.

“إنشاء الكباري”

وألمح السيسي إلى أن إنشاء الكباري يحل مشكلة كبيرة في الزحام، مؤكدًا على أن الحركة المرورية تحت الكباري الجديدة ستكون انسيابية وسهلة ويسيرة، مردفا: “إحنا لما بنعمل كوبري 1600 متر بنحافظ على شكل الحركة تحت منه ولو شوفنا الفاصل بينه وبين العمارات هنلاقيه 2 متر و3 متر ومقدرناش نعمل غير حارتين، بس مع الحارتين اللي تحت يبقى عملنا 4 حارات على دورين”.

وذكر السيسي أنه تم تنفيذ 22 كوبري في 6 أشهر بطول 400 كم داخل كتلة سكانية صعبة، وأن إنجاز العمل في وقت قصير يريح المواطنين، لافتا أن النمو العمراني غير المخطط له خطورة على السكان وموارد الدولة في الوقت ذاته، متابعا: “علشان نحل مسألة في شرق القاهرة بنتكلم في 40 أو 50 كوبري”.

“تطوير القاهرة”

وأكد السيسي أن الدولة أنفقت حوالي 380 مليار جنيه على العاصمة في السبع سنوات الماضية، قائلًا “القاهرة واخدة 380 مليار جنيه في 7 سنين، غير الكلام اللي بيتعمل دلوقتي، لو كان في خلال السبع سنين مش محتاجين نصرف الأرقام دي جوه العاصمة، كنا هننفقه في مدينة تانية”.

وأضاف “أجهزتنا والمسؤولين عن التخطيط كانوا غير منتبهين ومتاخدين في المشاكل اليومية، لكن الرؤية والتصور اللي بيتم تنفيذه مش موجود، ووصلنا إننا عشان نحل مشكلة داخل شرق القاهرة بنعمل 50 كوبري”، لافتا إلى أنه يرغب في تسكين المصريين في أماكن تليق به، مكملا: “إحنا هنعمل كل حاجة وعاوزين الناس تسكن في أماكن تليق بها، علشان المنفعة العامة”.

وتابع “مفيش حاجة على حساب المواطن، وأي حاجة هنشيلها أو ساكن موجود ويتم إزالة مسكنه هيتم تعويضه، لأن في ناس كل هدفها التشكك وتقول كلام وبيصطادوا في المياه العكرة، علشان كدة بدأنا في خطة التطوير”، مشدصا على أن ذلك لمصلحة المواطنين ورغبة في تخفيف الأعباء عنهم.

“العمالة المؤقتة”

ووجه الحكومة باستمرار صرف معونة العمالة المؤقتة “500 جنيه شهريا” حتى نهاية العام، وهي الإعانة التي تقرر صرفها في بداية أزمة فيروس كورونا المستجد، لتخفيف الأعباء عن المصريين خلال أزمة كورونا.

وأشار إلى أنه هناك دول وصلت أعداد كورونا فيها لـ10 آلاف يوميًا على الرغم من إجراءات الوقاية قائلًا “في دول وصلت لـ5 و10 آلاف حالة إصابة بكورونا بالرغم من طرق الوقاية، من فضلكم خلوا بالكم من النجاح اللي اتحقق ونستمر عليه، بنتابع مستشفيات التأمين الصحي والحميات لو محتاجة حاجة نجهز نفسنا قبل حدوث أي شيء”.

“اشترطات البناء”

“السيسي” طالب الحكومة ومؤسسات الدولة بسرعة إنجاز اشتراطات البناء بشكل سريع، حتى يبدأ كل شخص في عمله على أن يكون بنظام، مؤكدًا على أن نظام البناء المعمول به سابقًا كان يحتاج إلى تطوير.

وذكر أن الدولة تضع  خطة للأراضي الموجودة داخل العواصم والمراكز الرئيسية في المحافظات خلال الفترة المقبلة، متابعًا “هندخل الأراضي ونبني عليها ونوفر لهم سكن من أجل النمو”، لافتًا إلى أنه يمكن أن يصل الأمر إلى 500 ألف وحدة سكنية في العام الواحد.

وحذر المصريين من تعريض بلادهم للدمار قائلًا “اوعوا يا مصريين ويا مواطنين في أي دولة توصلوا بلادكم للخراب والدمار لأن اللي بيعمل كدة، تفتكروا ده مفسد ولا مصلح ولا يمكن الله يقبل ده وعلشان كده مصر هتفضل مصر”.

“القطاع الخاص”

وقال إن الدولة تحترم القطاع الخاص المصري، وكذا تحترم التزاماتها معهم، موضحًا: “سعداء لمشاركتكم ومستعدون لدعمكم وتشجيعكم، وبنقولهم تعالوا معانا وبنحترم التزامنا معاهم لأنهم مصريين شرفاء، ومحتاجينهم للمشاركة في بناء الاقتصاد، عاوزين مزيد من المشروعات عشان نشغل الناس ونديهم أمل”.

“أزمة الغاز”

وأردف: “بيقولوا لنا عاوزين تبقوا أوبك الغاز في المنطقة، يعني عاوزين مصر تبقى منظمة الغاز في المنطقة، لا بقى مش هنسيبكم، بيقولوا كدة.. احنا بنرد عليهم وبنقول ربنا موجود، وكل اللي نقدر عليه هنعمله، الرئيس والحكومة والمواطنين، وإن شاء الله نستمر في جهودنا، الاستثمار في قطاع البترول والنهوض به تكلف تريليون و200، آه طبعا مصر فيها 100 مليون مواطن، ملف الكهرباء تطويره تكلف تريليون وشوية، والنقل أيضًا”.