الرئيس عبدالفتاح السيسي

السيسي: مصر تتحرك للأمام ومفيش عودة مرة تانية للخلف


٠٣ ديسمبر ٢٠١٩

رؤية

القاهرة - قال الرئيس عبدالفتاح السيسي: إن الدولة تعمل على تصويب البناء العشوائي، مضيفًا: "الدولة تعمل على حل  مشاكل الكهرباء والصرف الصحي والمياه والغاز، ويجب على الدولة والمواطنين احترام التخطيط المتكامل".

وأضاف -في رسالته للمواطنين والإعلاميين، خلال كلمته بافتتاح عدد من المشروعات القومية الكبرى في محافظة دمياط- "لما بنتكلم بنتكلم عشان التحدي.. ومفيش تحدي خطر على مصر إلا من داخل مصر، وأرجو أن تنظروا للمنطقة حولكم.. وعندما يتحرك الناس قادرين يهدوا بلادهم.. مفيش حاجة عندي.. وانا هستنى عشان يبقى عندي وأنا لبيكم.. دا أنا هفضل أكرر حتى يبقى عندكم مناعة ضد هدم البلد.. هفضل أكرر عشان أبقى قدام ربنا عملت اللي عليا مع الناس في مصر وفهمتهم خطورة أي تحرك".

وتابع الرئيس حديثه: "الدولة تبذل جهدا جبارا عشان تحل مشاكل وتقنعكم، والناس بتقول هو مستعجل كدا ليه!.. هو أنت كل مرة هتتكلم هتكرر كلامي!.. أيوة.. وأتمنى من كل المسؤولين يكرروه عشان المناعة لشبابنا الصغار اللي لسه طالع، اللي كان عنده في 2011  حوالي 10 سنين النهارده عنده 17، ومشفش وميعرفش.. والتوعية مش مبنية على مدة زمنية على الناس اللى حضروا الأحداث وفهموا المخاطر، التوعية في  الجامعة والمسجد والكنسية.. البلد البلد البلد.. مصر بينا واستقرارنا نقدر نعمل كتير".

وواصل: "هتقولوا لي فيه حاجة؟.. والله مافيه حاجة.. زي الفل، وأنا مش ببص على دلوقتي بس.. أنا ببص على دلوقتي وبكرة وبعده والسنين اللي جاية.. وكل ما فيه استقرار اتحركنا للأمام ومفيش عودة مرة تانية للخلف.. وكل حاجة معروفة ومحطوط لها استثماراتها وأموالها ولو حطينا محطة الضبعة مع مشروعات الكهرباء يبقى بنتكلم في تريليون جنيه.. وبقول كدا إننا متحركين بشكل أكثر من رائع وسنستمر فيه بجهدكم وصبركم، وأنتوا شايفين النتائج.. إحنا كنا بنتكلم في وضع اقتصادي عام 2016 كان كارثي، والنهارده ما شاء الله أفضل وسنتحسن أكثر".


الكلمات الدلالية عبدالفتاح السيسي

اضف تعليق