شيرين

بعد غياب.. كورونا تُعيد شيرين عبدالوهاب إلى تويتر


٢٩ مارس ٢٠٢٠


رؤية

القاهرة - عادت النجمة شيرين عبدالوهاب مجدداً إلى مواقع التواصل بعد غياب دام لما يقرب من 5 أشهر وتحديداً في أكتوبر الماضي، عندما قامت بإغلاق كافة حساباتها على "السوشيال ميديا".

شيرين أطلت على جمهورها عبر حسابها الرسمي على "تويتر" برسالة قالت فيها:

" أنا هنا يا حبايبي وإتبسطت جداً لما في ظل الظروف اللي العالم كله فيها وكل اللي ليه حد بيحبه قلقان وخايف عليه، لقيتكم فاكريني وبتسألوا عني. أنا عايزة أطمنكم إني بخير الحمد لله وحالي زي حالكم كلكم، قاعدة في بيتي مع عيلتي وبدعي إن الغمة دي تعدي على خير."



وتابعت قائلة: "اهتمامكم بالسؤال عليا ده فرحني جداً وإداني طاقة إيجابية كنت محتاجاها في ظروف زي دي، وحمسني جداً وخلاني عايزة أفرحكم زي ما فرحتوني وقريب إن شاء الله أشارك معاكم حاجة قريبة جداً لقلبي، ولحد ما ده يحصل عايزاكم تكونوا متطمنين عليا، وتاخدوا بالكم من نفسكم ونفضل كلنا في البيت".



وكانت شيرين قد أعلنت في أكتوبر من العام الماضي، عن إغلاقها كافة حساباتها على مواقع التواصل الاجتماعي، بعد هجوم تعرضت له من بعض المتابعين على إثر تغريدة لها أعلنت فيها عن توفيرها عائد حفل للمتضررين من حرائق لبنان آنذاك، وهو ما لم يعجب البعض ممن طالبوها بتقديم المزيد.

   


اضف تعليق