شاهد.. هاني شاكر للجمهور: «ساعدونا .. عايزين نعيد للفن رونقه»

رؤية

القاهرة – قال الفنان هاني شاكر، نقيب المهن الموسيقية، إنه من واجبنا أن نتحرك ضد أي إساءة لمصر، متابعا:” كلنا استفزنا كلام عمر كمال، واحنا مش بس بنتحرك علشان ولادنا.. إحنا بنتكلم عن أبناء الأمة العربية كلها، وكل الأراضي العربية طاهرة ومقدسة.. أمال إحنا بنضحى بولادنا ليه؟”

وأضاف هاني شاكر في اتصال هاتفي مع الإعلامي أحمد موسى، خلال تقديمه برنامج “على مسئوليتي”، اليوم (الأربعاء) موجها كلامه لعمر كمال: لما أنت عارف أن الكلام ده غلط، بتغنيه هنا في مصر ليه؟.. وإحنا نستنهض الدولة كلها أن تساعد النقابة في تقنين أوضاع الموسيقى في مصر في إنتاج الأغاني والمسرحيات في مصر”.

وتابع هاني شاكر: “أنا استغربت من جرأة عمر كمال، إنه يقول الكلام ده، والناس مش مصدقة اللي بيحصل ده، وتم إبلاغ عمر كمال بالتحقيق وهو جاي بكرة، وهيحضر التحقيق، وهيكون في عقاب كبير.. ولما نشوف اللجنة هتقول إيه، هناك مجموعة من الراب قدمت وبتاخد تصاريح وتوقع على إقرار للالتزام بالكلام، وهي محاولة مننا لاحتضان هذا اللون الجديد، والسيطرة على ما يحدث في الساحة الفنية.