زوجة عصام صاصا تدافع عنه بعد حادثة الدهس: «الظلم حرام»

دافعت جهاد أحمد، زوجة مغني المهرجات المصري عصام صاصا، عن زوجها بعد أزمته الأخيرة ودهسه لمواطن على الطريق الدائري.

وأشارت الزوجة إلى أن الأسرة لها حق الرد على بعض التصريحات التي أدلى بها أهالي الضحية في الفترة الأخيرة، مشددة على أن الفنان عصام صاصا يمر بحالة سيئة، نظرًا لما تعرض له أثناء الحادثة.

زوجة عصام صاصا

كتبت زوجة عصام صاصا، اليوم الاثنين 13 مايو 2024، عبر خاصية “ستوري” على حسابها بموقع إنستجرام: “عصام أكثر واحد عمره ما بيرد على كلام الناس، بس الطرف الثاني ربنا يصبرهم يا رب، الإعلام استغلهم وخلاهم يطلع يكلموا في وقت المفروض حد يقف جنبهم ويصبرهم، وخلاهم يكلموا وهما أصلا مكنوش في الواقعة، بيقولوا إن أخوهم كان واقف على رصيف غلط الكلام ده غلط ومن أول يوم وعصام قال أقواله في النيابة إن الراجل ظهر في نص الطريق”.

انستجرام جهاد أحمد

وأضافت زوجة عصام صاصا: “بما أن القضية بقت رأي عام وعصام كل دا مطلعش رد عشان الحالة اللي هو فيها متسمحش، بس التجاريح والإشاعات كترت وإحنا لينا الحق الرد، ولازم تسمعوا الحادثة من الطرفين قبل ما تحكموا، النهاردة أنا هطلع أدافع عن جوزي، وفي شهود في الحادثة هيطلعوا ويتكلموا، لأن الظلم حرام أنا جوزي مش بيدوس على ناس بفلوسه، أنا جوزي اللي كنت بتقولوا عليه سواق توك توك جابها من الصفر، برضه أحن قلب وأكثر واحد بيحس بالناس فأنا مش هسمح أن أي كلمة غلط تتقال عليه تاني”.

آخر تطورات قضية عصام صاصا

وكانت السلطات المصرية أصدرت قرارًا بضبط وإحضار مؤدي المهرجانات عصام صاصا، على خلفية اتهامه بواقعة دهس سائق أعلى الطريق الدائري، بعدما أثبت تقرير مصلحة الطب الشرعي، تعاطيه لمواد المخدرة أثناء قيادته سيارته.

وكشف التقرير الخاص بمطرب المهرجانات عصام صاصا عن تعاطيه «كوكتيل مخدرات»، تنوع بين مخدر الحشيش، والبودر، وتناول الخمور، والكحوليات، والكوكايين، بما يؤكد تعاطي مطرب المهرجانات عصام صاصا للمواد المخدرة.