السيسي: الوعي أخطر قضية تواجه المجتمعات والنمو السكاني تحدٍّ كبير

رؤية

القاهرة – أكد الرئيس المصري عبدالفتاح السيسي، أن قضية الوعي أخطر قضية تواجه المجتمعات في العالم، متابعا: “الناس بتشوف وضع.. وتقول الواقع ده مين السبب فيه.. ضعف المسئولين.. ومفيش إرادة سياسية ومفيش حل.. الموضوع على بعضه.. الموضوع عبارة عن أمور مركبة تنتج حالة يصعب على الدولة تجاوزها.. المجتمع والشعب عاوز يعيش.. ومش قادر يعيش بالطريقة دي”.

وأضاف الرئيس السيسي خلال فعاليات افتتاح مشروعات سكنية متنوعة في مدينة بدر، اليوم السبت: “طب أنا هسأل سؤال.. علماء النفس والاجتماع يقولوا الحياة هنا لولادنا الأطفال.. المزاج العام إيه؟.. القيم والمبادئ إيه؟.. السلوكيات العامة إيه؟.. المستقبل والطموح إيه.؟. أنا عاوز أسألكم.. يبقى لازم ناخد بالنا”، وفقا لموقع اليوم السابع الإلكتروني.

وأشار الرئيس السيسي، إلى أن الدولة المصرية تعمل وفق سياق متكامل للتطوير والتنمية، والواقع الذي عرضه الدكتور مصطفى مدبولي رئيس الوزراء ترجمة للتطوير في الواقع، متابعا:” الدكتور مصطفى مدبولي لما بيقول في عام 1900 كنا حوالي 9 ملايين وبعد 100 سنة بقينا أكثر من 100 مليون.. النمو السكاني اللي فوق طاقة البلد يؤدي إلى تدمير الدولة أو كاد يؤدي إلى تدمير الدولة في 2011″.

وأضاف السيسي، خلال كلمته في افتتاح مشروعات تنموية جديدة بمدينة بدر: “صورة العشوائيات.. عبارة عن دولة لم تقدر أن تلبي متطلبات النمو السكاني الموجود فيها.. في الآخر المواطن اللي عايش في شقة في العشوائيات ممكن يدفعله 100 و150 جنيه بالكتير في المكان ده.. الموضوع مش كده خالص.. الدولة لم تقدر أن تسيطر على حالها.. في طرق وإسكان وكل شيء وفي تعليم وفي صحة.. وأي مرفق أو قطاع عاوزين تتكلموا فيه”.