رؤية
القاهرة – قال الرئيس المصري عبدالقتاح السيسي، خلال حفل افتتاح نفق الشهيد أحمد حمدي 2 بمنطقة شرق القناة، الأربعاء، تعليقا على عدد الكباري التي تم تنفيذها في شرق القاهرة وفقا لرئيس الهيئة الهندسية إيهاب الفار: “انتو عارفين 40 كوبري يعني كام؟، لو قلت متوسط سعر 400 و300 مليون جنيه يعني 12 أو 16 مليار، إحنا مش بنعمل كوبري بس إحنا بنعمل كوبري ومحور”
وأضاف الرئيس: “إحنا بفضل الله ماشيين بمعدلات فيها كتير كتير من كرم ربنا، بأننا نعمل الكلام ده بفلوس هائلة، وفقا لـ”المصري اليوم”.
وتابع: “هناك شكوي من أن العمالة مش موجودة”، موجها رسالة إلى العمال: “إحنا حرصنا على توفير التأمين اللازم في مواقع العمل المختلف وهنوفر أكتر بالتعاون مع وزارة الصحة ووزارة الدفاع والشركات عشان نقدر نكمل”.
وأشار السيسي إلى أن هناك العديد من فرص العمل: “أي حد عايز يشتغل روح من فضلك اطلع العاصمة الإدارية، اطلع رشيد، المنصورة الجديدة، العلمين الجديدة، فيه شغل عشان معدلات النمو تستمر”.
وأضاف: “لو حطينا معاهم المشروع الكبير اللي هو توطين الترع بنتكلم على عدد كبير من العمالة في القرى والمحافظات”.
وأشار السيسي، متحدثا للشعب المصري: “الحكومة بتشتغل ليل ونهار عشان معدلات النمو اللي كنا بنحلم بيها واللي اتأثرت كتير بالظروف الحالية، ونحن مصرين على العمل بنفس المعدلات وممكن زيادة عايزينكم تساعدونا”.
رابط مختصر : https://roayahnews.com/?p=325820