وجهت الفنانة داليا البحيري رسالة إلى متابعيها عبر حسابها الرسمي على موقع التواصل الاجتماعي إنستجرام، دعت خلالها إلى استمرار حملة مقاطعة المنتجات الداعمة للاحتلال الإسرائيلي.
وشاركت البحيري صورة، اليوم 18 نوفمبر 2023، عبر إنستجرام، قائلة: “حقيقي سعيدة جدا كل لما أعدي من قدام ستاربكس ولا ماكدونالدز وألاقيهم بينشوا بحس كده بانتصار، وفرحانة أوي ببنتي وأصحابها اللي بقوا واعيين وفاهمين”.
الفنانة داليا البحيري
وأضافت البحيري: “بكلم كيمي كانت مع أصحابها لقيتها بترد عليا وهي بتغني أنا دمي فلسطيني، وبتسمع تايلر سويفت تخيلوا شكرا غزة اللي زعلان ومتضايق من پوستاتي عن غزة وعن فلسطين في حاجة اسمها خد استراحة، عشان ما اعكرش عليك صفو حياتك”.
الفنانة داليا البحيري
تابعت: “ممكن كمان تعملي unfriend لطيف برضو! ده تل أبيب ذات نفسها يا مؤمن فيها مظاهرات ضد اللي بيحصل في غزة، ده غير المظاهرات في كل عواصم العالم، ده الأمريكان ذات نفسهم مقاطعين ماكدونالدز وستاربكس وشيپسي وپيبسي وغيرهم منتجات تانية كتير اللي هي صناعة أمريكي أصلا”.
وواصلت: “مقاطعين منتجات بلادهم عشان موالية للكيان الصهيوني، عشان موالية للإنسانية!!! مضايقاك أوي پوستاتي؟! بلاش تشوفها….لأن باختصار كل واحد حر!!! دي اختيارات في الحياة! أنا عندي أصحاب مش مقاطعين ولا مقتنعين بالمقاطعة!”.
وأضافت: “مش طول عمرنا نقول الحل في تشجيع المنتج المصري، أهو جت علي الطبطاب هيا نشجع المنتج المصري اللي حقيقي يقدر ينافس بقوة، محدش يزايد علي حد دي قدرات، كل واحد حر!! بالمناسبة دي الـ paper bag اللي فيها الكوكيز بتاعة”.
رابط مختصر : https://roayahnews.com/?p=1676147