7
رؤية
القاهرة – علقت السيناريست إنجي علاء زوجة الفنان يوسف الشريف عما يتم تداوله عبر مواقع التواصل الاجتماعي من تحريف عن حديث زوجها خلال أحد الشاشات الفضائية عن المشاهد الساخنة.
وكتبت انجي على صفحتها الرسمية بموقع فيسبوك: “في أخبار كتير مغلوطة عن يوسف متداولة من حواره مع الإعلامي رامي رضوان اللي اتذاع في برنامجه مساء dmc بس متحرفة بزيادة شوية، يوسف اتكلم عن المشاهد الساخنة وأعرف فنانين كتير تانيين مش بيحبوا يعملوها، إيه اللي جاب ملامسة النساء، الموضوع أوفر أوي بصراحة!! هو مجبش سيرة ملامسة النساء والحوار موجود على صفحة القناة، ياريت يكون في تحري للدقة عند تغطية الحوارات واحترام لرأي وأفعال الناس ما دام مش بتضر حد وشكرا لكل أصحاب الأقلام المهنية اللي لما غطت الحوار نقلت اللي فعلا دار فيه”.
كان يوسف الشريف صرح في البرنامج قائلا: “في قيود أنا بحطها لنفسي زيادة عن أي حد تاني، ودي حقيقة حتى لو وصلت لدرجة العقود.. دي حقيقة بقالها 10 سنين أو أكتر، ده من بعد فيلم هي فوضى، بدأت أفكر بالطريقة دي.. دي حرية شخصية طالما مبضرش حد.. أنا مبستريحش لو بقي فيه مشاهد ساخنة أو فيها قبلات.. دي قاعدة بطبقها على نفسي بس.. بدأت أحط قيود لأن قبل كده في منتجين اتفقت معاهم على ده ووقت التنفيذ غيروا كلامهم”.
تابع: “وهنا أنا لا أزايد على زملائي أو إني أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إني بزايد عليهم أو بقول إني أحسن منهم.. خالص”.
رابط مختصر : https://roayahnews.com/?p=28993