فيديو| سمية الخشاب تكشف طريقة احتفالها بعيد الحب وتوجه نصيحة للسيدات

أثارت سمية الخشاب حالة من الجدل بعد الكشف عن طريقة احتفالها بعيد الحب valentine.

ووجهت الفنانة المصرية، في مداخلة هاتفية مع برنامج “الستات”، اليوم الثلاثاء 14 فبراير، نصيحة للسيدات للاحتفال بعيد الحب، مقدمة روشتة نصائح لمتابعاتها لقضاء أوقات أفضل في الفالنتين.

احتفال سمية الخشاب بعيد الحب

وقالت الخشاب: “أنا عقلانية رومانسية عقلي بيشتغل في الوقت المناسب، ولما أحس إن عقلي لازم يتدخل بخليه يتدخل وبصدقه وبضرب له تعظيم سلام، والحمد لله عقلي تدخل كتير علشان كده أنا لسة باقية على قيد الحياة، وده بعد النضج والخبرات لأني ما كنتش كده”.

وعن اقتصار مفهوم عيد الحب على الاحتفال بالعلاقات العاطفية فقط قالت الخشاب: “الحب مش حب للراجل والست فقط، ولكن تحبي نفسك وتمتني لكل حاجة حلوة في حياتك وتشكري ربنا طول الوقت، لأن مش لازم نعلق سعادتنا وفرحتنا على حد في حياتنا، حتى تستمتعي بكل تفاصيل حياتك علشان كدة بأكد دايما مفيش حاجة اسمها وحدة”.

أما عن الهدايا فقالت سمية الخشاب: “لو هجيب هدية لنفسي هتبقى بيجامة عشان الجو البرد، أو برفيوم، أو أي حاجة نقصاني هتخليني فرحانة ومبسوطة، إيه المشكلة يعني؟ الحياة بسيطة أوي، متوقّفوش سعادتكم على حد، حبي نفسك وهادي نفسك، وانبسطي”.

وكشفت الخشاب عن طريقتها الخاصة للاحتفال بعيد الحب قائلة: “أنا بحب نفسي وبحب أدلعها وممتنة لربنا، وبعمل ماسكات، وبلعب مع قطتي”.

نصيحة سمية خشاب للسيدات في عيد الحب

وجهت سمية الخشاب نصيحة للسيدات في مداخلتها الهاتفية قائلة: “ما توقفوش سعادتكم على حد، حبي نفسك وادلعي وانبسطي، لما تعرفي إن ورد جوزك مش هيفيد بحاجة، لو عاوز يعمل حاجة هيعملها، ليه بتشغلي نفسك الحب مش بيجي كده، تضييعك لطاقتك هيجيبلك أمراض وضغط وسكر، اتفرجي على فيلم جميل اعملي ماسك اهتمي بجمالك وحالتك النفسية، واخرجي ما تستنيش واحدة صاحبتك، واشتري حاجات واخترعي حاجات تبسط، اعملي طبخة حلوة”.