رؤية
القاهرة – كشف نقيب المهن الموسيقية هاني شاكر عن رأيه في الفنان محمد رمضان وقال إن رمضان لم يلتزم بإقرار الالتزام بسلوكيات المهنة.
وبحسب ما ذكر موقع في الفن، اليوم الخميس، قال شاكر أثناء لقائه في برنامج MBC Trending “محمد رمضان من حفلتين فاتوا مضى إقرار وقالي أنه هيلتزم باللبس والكلام لكن واضح أنه ملتزمش”.
وتابع قائلًا “احنا مش جهه منع في النقابة لكن في جهه مسؤولة عن اللبس والكلام وهي المصنفات الفنية هما المنوطين بيه و دكتور خالد عبد الجليل عنده الضبطية القضائية اللي يقدر ينفذ بيها أي قرار هو عايزه”.
وعن منع محمد رمضان من الغناء قال “هو عضو نقابة مينفعش لما يجي يقول أنا عايز أطلع على المسرح أغني اقوله لا زي ما أنا هاجي أمثل هروح لدكتور أشرف زكي أقوله عايز أمثل مش هيقولي لا متمثلش”.
وعن إقرار سلوكيات المهنة قال “لبسه وكلامه أنا دة عملته كسابقة مني لمحمد رمضان لمصلحته وخوفي عليه لاني عايز انصحه بالافضل هو ملتزمش في جهات تقدر تحاسبه”.
وأضاف قائلًا “مش كل حاجة في العالم تتعمل تبقى مناسبة لينا أنا واحد من الافات بيسمعوه وبيشوفوه وبتكلم عن الفن اللي نفسي اوصله للناس وعايز ولادي واحفادي يشوفوها، اللون اللي بيقدمه محمد رمضان لون استعراضي ومش كل اللبس مناسب لينا في مصر ومش كل الاغاني مناسبة هو مش بيقول كلام خارج لكن كلامه فيه تفخيم وتضخيم لنفسه وكنت قلتله كدة بالصدفة في مكان وقلتله خد بالك أن مش لازم كل اللي تقوله أنك نمبر وأن بس هو ليه طريقه تفكير تانية”.
رابط مختصر : https://roayahnews.com/?p=962175