رؤية
القاهرة – روت الفنانة منى زكي، خلال لقائها مع الإعلامية لميس الحديدي في برنامج “كلمة أخيرة” على قناة ON، أسرار زواج والدتها في عمر 14 سنة.
وقالت منى: “بابايا كان نصير للمرأة وقصته مع مامتي قصة جميلة. مامتي باباها حصله ظروف وهي عندها 14 سنة، وخسر فلوس كتير، ومامتها من خوفها كست مصرية، لأن كان عندها 5 ولاد جوزت بنتها وهي عندها 14 سنة لراجل كبير جدا. هي كانت naive لدرجة مش فاهمة يعني إيه جواز، وقضت 4 شهور من حياتها مع زوج أكبر منها بكتير جدا، وحملت منه وهربت أول ما حملت منه راحت قعدت عند خالتها، من كتر ما هي مش قادرة تتخيل العيشة دي.”
وأضافت: ” كانت rebellious جدا وعايزة تكمل تعليمها وعملت كده. فضلت قاعدة عند خالتي وكملت تعليمها، وبابايا شافها وحبها، وعارف إنها متجوزة ومخلفة وخد كل ده في حضنه وحبها حقيقي. وشايف إن دي حاجات ما كسرتهاش وقوتها أكتر، وكان كتير هو اللي يتسند عليها. وأول ما كملت تعليمها اتطلقت واتجوزت بابايا.”
واستضافت الإعلامية لميس الحديدي في هذه الحلقة أبطال مسلسل “لعبة نيوتن” منى زكي، ومحمد فراج، وسيد رجب.
رابط مختصر : https://roayahnews.com/?p=768539