«لسة بحبه».. المطربة بوسي توجه رسالة لطليقها هشام ربيع

في تصريح مفاجئ، صرّحت المطربة بوسي خلال لقائها مع برنامج “العرافة” مع الإعلامية بسمة وهبة، أنها لا تزال تحب طليقها هشام ربيع.

وقالت بوسي في تصريحات تلفزيونية، اليوم الاثنين 11 مارس 2024: “هشام ربيع راجل محترم، وأثناء فترة جوازنا كان منفصل عند زوجته الأولى وهو مطلقش مراته علشان يتجوزني، وهي اللي كانت عايزة ترجعله وقالت علشان الأولاد، وأنا وافقت علشان عندي أطفال وهو قالي اقفي جنبي”.

ووجهت بوسي رسالة لطليقها هشام ربيع، قائلة: “هشام أنت عارف ومتأكد أني مشوفتش حد وقف جدع ولا في رجولتك، وأنت فعلًا تستاهل كل حاجة حلوة في الدنيا على قد ما أنت كريم وطيب، أنا مشوفتش حد بنضافته ولا طيبة قلبه، ولا هشوف حد في رجولته ولا حنيته ولا كرمه، وهو عارف أن أنا لسة بحبه”.