“مصطفى أبو تورتة”.. موجة ساخرة تطارد “الخطيب الهارب”

 رؤية 

في واقعة مثيرة، أشعلت فتاة مواقع السوشيال ميديا جدلا كبيرا ما بين ساخر وغاضب في آن واحد، بعدما نشرت قصة انفصالها عن خطيبها الذي تركها بإحدى قاعات الأفراح.

بدأت القصة عندما تصدر #مصطفي_ابو_تورته قوائم أكثر الوسوم انتشارا في مصر صباح الأربعاء، ولا يزال متصدرا لها حتى الآن.

الوسم الكوميدي حمل في داخله مأساة إنسانية روتها صاحبتها نهال شعبان.

والله كان فيه تورته هموت عليها #مصطفي_ابو_تورته pic.twitter.com/aQJLB6iWTV

— مليش دعوه (@egylove2000) October 2, 2019

وروت الفتاة قصتها قائلة : أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما أطلب حاجة وقولت دا عادي بيحصل بس اللي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش واحدة فيهم جت باركتلي وقولت أمشي اليوم”.

مين اللي خد الطورطة
#مصطفي_ابو_تورته pic.twitter.com/CpPGs8kRaV

— Anubis (@anubisegy) October 2, 2019

وأردفت الفتاة: كل ما أقوله فين الشبكه اللي هنلبسها يقوللي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيلطم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان”.

لما تكون انت الوحيد اللي متعرفش حوار مصطفى تورته ده pic.twitter.com/MzRyjqnMOZ

— SssOoOllLYy (@Solly93513275) October 2, 2019

وأضافت: “والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت مجاش في بالي للحظة واحدة انه هيعمل فيا كدا”.

لما تكون انت الوحيد اللي متعرفش حوار مصطفى تورته ده pic.twitter.com/MzRyjqnMOZ

— SssOoOllLYy (@Solly93513275) October 2, 2019

واختتمت الفتاة بقلب موجوع: دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل”.

ابو تورته الان على mbc #مصطفي_ابو_تورته pic.twitter.com/1OgIqlLPIS

— ΣMAD (@emadomda223) October 2, 2019

وسرعان ما كان الشاب مصطفى حديث وسائل التواصل الاجتماعي وقنوات الإعلام العالمية والعربية ما بين ساخر من العريس وما بين غاضب سبب الأذى الذي تعرضت له العروس

– لما تبقي الوحيد اللي متعرفش حوار مصطفي تورته دا pic.twitter.com/560TpzS1BQ

— A7med Mesalam (@AhmedMe64220248) October 2, 2019