علقت المذيعة المصرية دعاء فاروق على توقعات خبيرة الأبراج ليلى عبد اللطيف، بانفصال النجمة ياسمين عبد العزيز عن الفنان أحمد العوضي.
ومن خلال مقطع فيديو نشرته الإعلامية دعاء فاروق، اليوم الأربعاء 17 يناير 2024، عبر حسابها الرسمي بموقع “إنستجرام”، قالت: “الست اللي طلعت في البرامج عشان التوقعات، والبرامج اللي بتظهر فيها المفروض إنها محترمة، على قنوات وفريق إعداد محترم، الناس دي متعلمة ودارسة إعلام، أساتذة كبار في عالم الإعلام والتقديم التلفزيوني، وبيجيبوا عندهم ناس بيقولوا عليهم علماء فلك، وبيتوقعوا حاجات عن الناس، وبعدين نقول التوقع طلع صح”.
الإعلامية دعاء فاروق
الإعلامية دعاء فاروق
وتابعت دعاء فاروق: “أنتم متعرفوش أن دي أعمال كفر بيّن، وفي شيء اسمه تسخير جن، لما نجي نقول ده بيسخر جن وبيعملوا أعمال كفر، وبيدخلوا بالقرآن في أماكن سيئة، عشان يطلعوا الجن ويقول كلام من المتشقلب”.
وأضافت: “أنا لا يمكن أفتح التلفزيون في الوقت اللي بتجي فيه الفقرات دي، بناخد ذنب كبير إننا بنعين واحدة بتعمل أعمال كفر، إنها تنتشر وتبقى مهمة وتبقى أحسن من العلماء والدكاترة”.
وقالت: “البرامج بتجيب عالمة فلك، وهي مش عالمة فلك بتتواصل مع ناس بيعملوا أعمال كفر، ده شيء معروف أنتوا عايزين تنساقوا وراء الكفر اللي فيه حرمانية واضحة، انتوا مش خايفين يا سادة يا قائمين على هذه البرامج من العذاب العسير، لأنكم بتشكلوا وجدان الأمة والناس”.
واختتمت فاروق حديثها قائلة: “لو هي قالت التوقع وطلع صح، ده يخلينا نتأكد أن الناس دي بتحضر حاجات عن طريق حرام، وبيحضروا جن عشان يقولهم معلومة، الجهل بقى على أكبر قنوات وأهم شاشات ويجني كل هذه المشاهدة، ويعمل كل هذه الدوشة، وهي بتكون يا محضرة جن، يا تعرف حد يحضره ليها”.
رابط مختصر : https://roayahnews.com/?p=1735450