حمزة نمرة يهدي والده الراحل أغنية «مرايات»

أهدى المطرب المصري، حمزة نمرة، أغنية “مرايات”، التي تصدر ضمن ألبومه الحالي، لوالده الراحل، لاحترافه فن الرسم، ولكنه كان يعمل طبيبًا.

وكتب حمزة نمرة عبر منصة إنستجرام: “أنا فاكر الصورة دي، كانت في عيد ميلادي وبابا الله يرحمه كان جايب لي هدية، أنا كنت عايز الموقف يعدي بسرعة ومحرج وإخواتي بيصوروني وبابا بيديني الهدية وهو حاضنّي”.

حمزة نمرة يهدي والده الراحل أغنية مرايات

أضاف الفنان المصري، اليوم الخميس 21 سبتمبر 2023: “لما شوفت الصورة دلوقتي لقيتني بقول لنفسي ياريتك كنت مركز أكتر من كده في اللحظة دي، وعرفت تعبر عن المحبة اللي جواك للي حواليك”.

وذكر حمزة نمرة: “بابا كان من صغره فنان وبيحب الرسم، كان نفسه يطلع رسام، لما خلص ثانوية عامة مجموعه كان يدخله كلية طب القاهرة، لكن هو كان عايز يدخل فنون جميلة.. كل عيلته وقفوا ضده وأقنعوه إن القرار الصح إنه يدخل طب ويأجل الفن شوية لحد ما يخلّص، طبعًا اتخرج من الطب وما دخلش فنون جميلة، وسافر واشتغل طبيب أربعين سنة، كان مخلص جدًا لشغله وربنا رزقه نجاح وسمعة طيبة”.

وتابع: “في مرضه الأخير بابا كان كل اللي بيعمله إنه يصور رسوماته القديمة اللي رسمها وهو صغير وينشرها على فيسبوك، كأنه بيقول اعرفوني، ده أنا، مش الشخص اللي عرفتوه الأربعين سنة اللي فاتت، أغنية مرايات، بأهديها ليك يا بابا”.

اقرأ أيضًا| فيديو| لحظة هبوط طائرة رائد الفضاء النيادي بمطار أبوظبي